* * * ( غلباوى 10)* * *
غلباوى فاتح مزاد
العابه محجوزة بميعاد
عنيد يتفات له بلاد
فى ثوانى جه قعد جنبي
قال… كلمنى ياجدو عن تيته
قصدى على حوى…
بيقولوا اليوم عيدها
قلت…ههههه عرفت كمان
عيد المرأة
بتشوفنى ازى بكلم تيته
انا ادم و تيته دى حوى
بتحافظ تيته على حقوقي
وانا حافظ ليها على حقوقها
زمان كان. عندى ماما
حقوقها كانت محفوظه
وتيته كمان جابت حوي
عمتك هى لكن بنتي
وماماكمان جابت حوي
عارفها انت بقول اختى
عرفت يامالك مين حوي
ماما وتيته بنتى واختي
وحتى برضه شريكه عمري
قال… عارف ياجدو تيته مراتك
قلت…شاطر لكن لحقوق حوي
تكون حازم…لااهانه ليها
ولا تظلم وصانا نبينا
وقال لازم لحقوقها نحافظ
وهتكبر لكن اتذكر
رفقا بالقوارير ….
دى نصيحه وسنه لنبينا
الزوجه نشيلها فى عنينا
لوصدفه حوى فى الشارع
نحميها من وحش جائع
الراجل واجبه حميتها
فى الشارع أو حتى فى بتها
سبحان المولى كرمها
فى طريقها احنا نأمنها
قال…طبعا دلوقت عرفت
عشان ماما وتيته
اشوف حوى تبقى لى اخت
فى صلاتي كمان ادعلها
واسبح ربى وافكرها تصلى فروضها
وتسبح ربنا زى ما كرمها..
اقوم ريح شكلك تعبان
نتقابل بكرة
إلى اللقاء مع الغلباوى وجدة
مالك
وجدو. محمد محمود عبد الدايم
غلباوى 10
